Aktual mövzular: Dollar alış-satışı, Məzənnə, Neftin qiyməti

Bayden Azərbaycana yeni səfirin namizədliyini irəli sürdü - FOTO

Bayden Azərbaycana yeni səfirin namizədliyini irəli sürdü - FOTO

Tarix: 26 May 2022 07:06

ABŞ Prezidenti Co Bayden Azərbaycana səfir namizədini açıqlayıb.

Mark V. Libbi Azərbaycanda fövqəladə və səlahiyyətli səfir vəzifəsinə namizəd olaraq irəli sürülüb.

Mark Libbi Milli Müharibə Kollecində işləyir. Vaşinqtona qayıtmazdan əvvəl o, 2018-ci ilin iyul ayından 2021-ci ilin iyun ayına kimi ABŞ-ın Brüsseldəki missiyasında missiya rəhbərinin müavini və Avropa İttifaqındakı müvəqqəti işlər vəkili vəzifəsində çalışıb. Libbi Varşava, Nassau, Nikosiya və Bağdadda siyasi müşavir olub.

Diplomat Vaşinqtonda Dövlət Departamentinin Əməliyyatlar Mərkəzində böhranların idarə edilməsi üzrə direktor müavini vəzifəsində çalışıb. Mərkəzi Avropa İşləri Ofisində direktor müavini, Cənubi Avropa İşləri Ofisinin direktoru və Xarici Xidmət İnstitutunda oriyentasiya direktoru olaraq fəaliyyət göstərib.

Libbi bakalavr təhsilini Massaçusetsdəki Tafts Universitetində və Parisdəki Institut des Etudes Politiques-də ("Sciences-Po") alıb. Milli Müharibə Kollecində magistr dərəcəsinə yiyələnib. O, polyak və fransız dillərini mükəmməl, rus, türk və alman dillərini qismən bilir.

Milli.Az


Etiketlər:  Bayden Azərbaycana yeni səfirin namizədliyini irəli sürdü FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ