Aktual mövzular: Dollar alış-satışı, Neftin qiyməti, COP29, Hava proqnozu

Şəkidə turistlərin tez-tez ziyarət etdikləri ərazidə antisanitar vəziyyət yaranıb - VİDEO

Tarix: 14 Iyun 2022 12:02

Şəki şəhəri Yuxarı Baş Dövlət Tarix-Memarlıq Qoruğunun ərazisindən keçən və texniki suların axıdılması üçün nəzərdə tutulmuş arxa sanitar qovşağın birləşdirilməsi antisanitar vəziyyət yaradıb.

Sonxeber.net Xəzər TV-yə istinadən xəbər verir ki, son günlər yağan yağışlardan sonra arx daşıb və çirkab yola axır. Burada yaranan üfunət və xoşagəlməz mənzərə hər kəsi narahat edir.

Kanalizasiya sistemindən daşan sular küçə boyu axır. Şəki şəhərində turistlərin tez-tez ziyarət etdikləri Yuxarı Baş Tarix- Memarlıq Qoruğunun ''Gəncəli məhəlləsi'' adlanan ərazisində relyefə uyğun olaraq uzun illərdir ki, yağış sularının çaylara axıdılması üçün arxlardan istifadə edilir.

Son dövrlər müşahidə edilən yağışlı hava şəraitindən sonra vəziyyət daha da ciddiləşib. Sakinlər iddia edirlər ki, aiddiyyəti qurumlara müraciət etsələr də, nəticəsi olmayıb.

Məsələ ilə bağlı Şəki Rayon İcra Hakimiyyətindən bildirilib ki, əraziyə baxış keçiriləcək, xoşagəlməz halın aradan qaldırılması üçün əlaqədar qurumlara tapşırıq veriləcək.

Mövzu ilə bağlı daha ətraflı videomaterialı təqdim edirik:

Whatsapp ilə göndər