Aktual mövzular: Dollar alış-satışı, Neftin qiyməti, COP29, Hava proqnozu

Qarabağda 11 min hektarda yanğın olub

Qarabağda 11 min hektarda yanğın olub

Tarix: 16 Iyun 2022 11:46

İşğaldan azad edilmiş ərazilərdə indiyə qədər 11 min hektara yaxın ərazidə yanğın olub.

Sonxeber.net APA-ya istinadən bildirir ki, bunu Fövqaladə hallar nazirinin müavini, general-leytenant Etibar Mirzəyev "Meşə yanğınlarına birgə operativ cavab tədbirlərinin qiymətləndirilməsidir" adlı təlimdə çıxışı zamanı deyib.

O bildirib ki, yanğınların qarşısı Fövqəladə Hallar Nazirliyinin, Müdafiə Nazirliyinin, Dövlət Sərhəd Xidmətinin və yerli icra nümayəndələrinin köməyi ilə alınıb.

Nazir müavini onu da qeyd edib ki, həmin ərazilərdə yanğınların söndürülməsində müəyyən çətinlik yaranır:

"Buna səbəb həmin ərazilərin bir çoxunun minalanmış sahə olmasıdır. Biz işğaldan azad olunan ərazilərdə yanğının söndürülməsində dünya və Avropa təcrübəsindən istifadə edirik. Lakin azad olunmuş ərazilərdə biz yanğın söndürən helikopterlərdən çox istifadə bilmirik. Çünki, helikopter alçaqdan uçan zaman su tökmə əməliyyatının icrası daha uğurlu olur. Ərazi minalanmış ərazi olduğundan helikopterlərdən aşağıdan uçuş edə bilmir. Buna səbəb də yanğınlar zamanı minaların partlamasıdır".


Etiketlər:  Qarabağda hektarda yanğın olub


RƏYLƏR



Populyar Xəbərlər

XƏBƏR LENTİ