Aktual mövzular: Dollar alış-satışı, Neftin qiyməti, COP29, Hava proqnozu

Xarkovun atəşə tutulması nəticəsində 3 nəfər həlak olub

Xarkovun atəşə tutulması nəticəsində 3 nəfər həlak olub

Tarix: 20 Iyun 2022 23:58

Rusiya ordusu Xarkov vilayətini atəşə tutmağı intensivləşdirib.

Sonxeber.net APA-ya istinadən bildirir ki, bu barədə Xarkov Vilayət Hərbi Administrasiyasının rəhbəri Oleq Sinegubov "Telegram"da məlumat verib.

Hadisə nəticəsində gün ərzində üç nəfər ölüb.

"Son günlər Xarkov vilayətində Ukrayna Silahlı Qüvvələrinə qarşı döyüşlərdə uğur qazana bilməyən ruslar rayon mərkəzini və digər yaşayış məntəqələrini atəşə tutmağı intensivləşdirib. Xarkovun Kiyevski, Şevçenkovski, Saltovski və Sənaye rayonlarına MLRS sistemləri ilə zərbələr endirilir. Təhsil müəssisələrinə zərbə endirilib. Təəssüf ki, dinc sakinlər həlak olur və yaralanır. Məhz bu gün ərzində 3 nəfər dünyasını dəyişib", - deyə məlumatda deyilir.

Qeyd olunur ki, rus qoşunları Çuqev, Lozova, Zoloçiv və Derqaçov icmalarına hücumlarını davam etdirir.

Xarkovun atəşə tutulması son günlər saat 23:00-00:00 arasında qeydə alınıb.

Atışmalara baxmayaraq, insanlar Xarkova qayıtmaqda davam edir. İlkin məlumatlara görə, hazırda şəhərdə 700 min nəfər var.


Etiketlər:  Xarkovun atəşə tutulması nəticəsində nəfər həlak olub


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ