Rusiyaya silah qadağası - Estoniyadan həmlə

Tarix: 16 Iyul 2022 22:26

"Rusiyanın Ukraynaya genişmiqyaslı hərbi müdaxiləsinin beşinci ayında Estoniya Rusiya Federasiyası və Belarus vətəndaşları üçün silah saxlamağa qadağa qoyulması haqda qərar qəbul edib.

Sonxeber.net teleqraf.com-a istinadən bildirir ki, bu haqda eston mətbuatı məlumat yayıb.

Yeni koalisiya sazişinin bir hissəsində qeyd edildiyi kimi, Estoniyada Rusiya və onun müttəfiqi Belarus vətəndaşlarına silah saxlamaq qadağan edilib.

"Artıq verilmiş lisenziyalar da ləğv ediləcək. Rusiya Federasiyası və Belarus vətəndaşları üçün silah icazələri etibarsız sayılacaq və onların əvvəlki lisenziyasına xitam veriləcək", - koalisiya sazişində deyilir.

Lisenziyaların ləğvi qanunlara dəyişikliklər tələb etdiyindən, icrası bir neçə ay çəkəcək.