Bu ölkədə cadugər qadınları soyundurub qamçıladılar

Tarix: 19 Iyul 2022 03:46

Peru hakimiyyəti cadugərlikdə ittiham olunan yeddi qadın və bir kişini azad edib.

Sonxeber.net bildirir ki, bu barədə Vice məlumat yayıb.

Kənd patrulunun üzvləri iyunun 29-da Çiliya dairəsinin Patas əyalətində rayon sakinlərini oğurlayıblar. Peru qadınları əsirlikdə saxlanılırdı, lüt soyundurulurdu, qamçı ilə döyülürdü və onlardan cadugər olduqlarını etiraf etmələrini tələb edirdilər. Hadisə internetə sızandan sonra geniş ictimaiyyətə məlum oldu, videolardan birində qadını daxmanın tavanından ayağından asaraq dindirirdilər. Başqa bir videoda yaşlı qurbanın bədənində göyərmə izləri əks olunub. Zorakı hərəkətlər iki həftə davam etdi.

Çərşənbə axşamı, iyulun 12-də Perunun Baş Prokurorluğu qadınların azad edildiyini və insidentlə bağlı təhqiqatın başlandığını elan edib. Öz növbəsində Çiliya dairəsinin kənd patrullarının prezidenti yerli mediaya müsahibəsində tabeçiliyində olanların hərəkətlərinə haqq qazandırmağa çalışıb. O, bildirib ki, saxlanılan şəxslər cadugərlik etdiklərini etiraf edərək başqa yerə köçəcəklərini vəd ediblər.

İrfan Vəliyev