Fırıldaqçı üç yaşlı uşağın müalicəsi üçün yığılan pulu oğurladı

Tarix: 22 Iyul 2022 11:38

MVD Media xəbər verir ki, Moskvada dələduz üç yaşlı uşağın müalicəsi üçün yığılan pulu oğurlayıb.

Sonxeber.net bildirir ki, dələduz paytaxtın hava limanlarından birində saxlanılıb.

"Rusiya Daxili İşlər Nazirliyinin Moskva üzrə Baş İdarəsinin Şərq İnzibati Dairəsi üzrə Daxili İşlər İdarəsinin əməkdaşları xaric ölkə vətəndaşını saxlayıblar. O, üç yaşlı qızın müalicəsi üçün yığılan pulu oğurlamaqda ittiham olunur", - deyə idarədən bildirilib. Faktla bağlı Rusiya Federasiyası Cinayət Məcəlləsinin 158-ci maddəsinin 3-cü hissəsi ("Oğurluq") ilə cinayət işi açılıb.

İstintaqın məlumatına görə, qadın həkim üç yaşlı xəstənin müalicəsi üçün xeyriyyə aksiyası təşkil edib. Veb yayımı zamanı o, bank kartının təfərrüatlarını açıqlayıb və təsadüfən mobil banka giriş kodunu göstərib. Fırıldaqçı onun şəxsi hesabına daxil olaraq uşaq üçün yığılan 560 min rublu (9 860 dollar) öz hesabına köçürüb.

Şübhəli şəxs nəzarətə götürülüb. Rusiya Daxili İşlər Nazirliyinin sözçüsü İrina Volk deyib ki, "o, dəymiş zərərin bir hissəsini könüllü olaraq ödəyib".

İrfan Vəliyev