Aktual mövzular: Dollar alış-satışı, Neftin qiyməti, COP29, Hava proqnozu

Bu ərazidə yaşayan sakinlər dayanacaq yerindən narazıdırlar - VİDEO

Tarix: 24 Avqust 2022 14:10

Bakın Xətai rayonu, İlham Məmmədov 26 ünvanında avtobus dayanacağı yoxdur.

Sonxeber.net xezerxeber.az-a istinadən bildirir ki, həmin ünvanda yaşayan sakinlər dayanacaq sarıdan problem yaşadıqlarını deyirlər. Onların sözlərinə görə, ehtiyac olan yerdə dayanacaq yoxdur, zəruri olmayan yerdə isə quraşdırılıb. Halbuki 1 il əvvələ qədər sözügedən ünvanda dayanacaq olub.

Sakinlər problemlə bağlı aidiyyəti qurumlara dəfələrlə etdikləri müraciətlərin cavabsız qaldığını deyirlər.

Mövzuya münasibət bildirən Bakı Nəqliyyat Agentliyinin mətbuat katibi Mais Ağayev "Xəzər Xəbər"ə deyib ki, bu məsələ ilə bağlı cari ilin 2 iyun tarixində vətəndaşlar Agentliyə müraciət ediblər. Bunun əsasında mütəxəssislər əraziyə baxış keçirib və müvafiq təhlillər aparıblar. Sakinlərin qeyd etdiyi nöqtə ilə mövcud dayanacaq məntəqəsi arasında 140 metr məsafə var. Bununla yanaşı, yol hərəkəti qaydaları və piyada təhlükəsizliyi baxımında da mövcud dayanacaq məntəqəsinin yeri daha məqsədəmüvafiq hesab edilir.

Mövzu ilə bağlı daha ətraflı videomaterialı təqdim edirik.

Whatsapp ilə göndər