Aktual mövzular: Dollar alış-satışı, Neftin qiyməti, COP29, Hava proqnozu

''Bayraktar'' mahnısını oxudu - İşdən qovuldu -VİDEO

''Bayraktar'' mahnısını oxudu - İşdən qovuldu -VİDEO

Tarix: 16 Sentyabr 2022 16:22

Krımda müəllim "Bayraktar"a həsr olunan mahnısını oxuduğuna görə işdən çıxarılıb.

Milli.Az lent.az-a istinadən xəbər verir ki, sentyabrın 15-də sosial şəbəkələrdə texniki məktəbin tələbələrinin lentə aldığı iddia edilən video yayılıb.

Videoda bir kişi ukraynalı ssenarist Taras Borovkanın "Bayraktar" mahnısına çəkilmiş klipə baxır və onu tələbələri ilə müzakirə edir.

Məlumata görə, videonun qəhrəmanı rus dili müəllimi Andrey Belozerovdur. Müəllim sinifdə açıq şəkildə Ukrayna hərbçilərinin gəlişini necə gözlədiyini deyib:

"Texnikum müəllimi işdən qovulub. Biz bu cür musiqili tamaşaları xəyanət kimi qiymətləndiririk. Sərhədə 150 kilometr qalıb, kim Ukraynaya dəstək vermək istəyirsə, ora gedə bilər", - "Krım rəhbərinin müşaviri" Oleq Kryuçkov bildirib.

"Krımın Daxili İşlər Nazirliyi" istintaqa başladıqlarını və bütün halları müəyyənləşdirdiklərini bildiriblər.

Bundan başqa, işğal altındakı yarımadada texnikumun direktoru və rəhbərliyinə qarşı araşdırma aparılır.

Milli.Az


Etiketlər:  Bayraktar mahnısını oxudu İşdən qovuldu VİDEO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ