“Dəlisov Maks” real həyatda çempionatda iştirak etdi, evə qızıl apardı - FOTO

Tarix: 21 Sentyabr 2022 19:15

"Dəlisov Maks"ın ulduzu Tom Hardi real həyatda döyüş sənəti üzrə çempionatda iştirak edərək qızıl medal qazanıb.

Sonxeber.net oxu.az-a istinadən xəbər verir ki, məlumata görə, o, Böyük Britaniyanın Milton-Kins şəhərində keçirilən "UMAC Milton Keynes BJJ Open 2022" turnirinə gizli şəkildə qatılıb. Bu səbəbdən tamaşaçılar qarşılarında ciu-citsu kimonosunda olan Hollivud ulduzunu görəndə heyrətə düşüblər.

Tədbirin sponsoru olan Şon Rosboro isə bir neçə həftə əvvəldən təşkilatçıların meqastarın çempionata gələcəyini bildiklərini deyib.

Qeyd edək ki, 45 yaşlı aktyor finalda 42 yaşlı Endi Lezerlendə mübarizə aparıb və ona qalib gəlib.