Aktual mövzular: Dollar alış-satışı, Neftin qiyməti, COP29, Hava proqnozu

Rusiya ilə sərhəd bağlanacaq? - Gürcüstan DİN-dən AÇIQLAMA

Tarix: 27 Sentyabr 2022 13:56

Gürcüstanın Rusiya ilə sərhədi bağlaması üçün heç bir səbəb yoxdur.

Sonxeber.net APA-ya istinadən bildirir ki, bunu Gürcüstanın daxili işlər naziri Vaxtanq Qomelauri jurnalistlərə açıqlamasında deyib.

Bununla belə, o sərhəd-keçid məntəqəsində nəzarət tədbirlərinin gücləndirildiyini qeyd edib.

Nazir müxalifətin 200 mindən çox rusiyalının Gürcüstana daxil olması ilə bağlı məlumatlarının doğru olmadığını vurğulayıb.

Onun sözlərinə görə, son günlərdə Rusiya-Gürcüstan sərhədini gündəlik 10 min nəfər keçir və bu sentyabrın 21-dən öncəki göstərici ilə müqayisədə 40-45% çoxdur.

Qomelauri Gürcüstana gələn rusiyalıların təxminən 60%-nin artıq ölkəni tərk etdiyini deyib.

Qeyd edək ki, Gürcüstanın müxalif "Aqmaşenebeli Strategiyası" partiyası müharibə başladıqdan sonra təxminən 200 min rusiyalının Gürcüstana gəldiyini və artıq ölkə əhalisinin 10%-ni təşkil etdiyini açıqlayıb. Partiya ölkə rəhbərliyinə Rusiya vətəndaşlarına viza rejiminin tətbiq edilməsinə çağırış edib.

Whatsapp ilə göndər