Aktual mövzular: Dollar alış-satışı, Neftin qiyməti, COP29, Hava proqnozu

İran parlamenti etirazlarla bağlı vəziyyəti müzakirə edib

İran parlamenti etirazlarla bağlı vəziyyəti müzakirə edib

Tarix: 2 Oktyabr 2022 21:48

İran parlamenti ölkədə etirazlarla bağlı qapalı iclas keçirib.

Sonxeber.net "report"a istinadən bildirir ki, bu barədə IRNA xəbər verib.

İranın daxili işlər naziri Əhməd Vahidi parlamentarilərə ölkədə son həftələr baş verən hadisələrlə bağlı hesabat təqdim etməli idi. İclasda həmçinin İran Polisinin rəisi, briqada generalı Hüseyn Əştəri də çıxış etməli idi.

Söhbət eləcə də sentyabrın 30-da İranın cənub-şərqində Sistan və Bəlucistan əyalətində yerləşən Zahedan şəhərində polis bölməsinə hücumdan gedir. Həmin vaxt İslam İnqilabı Keşikçiləri Korpusunun yerli kəşfiyyat şöbəsinin rəhbəri də daxil olmaqla 19 nəfər öldürülüb.

Eyni zamanda İran Prezidenti İbrahim Rəisi İslam Respublikasının düşmənlərini ölkənin inkişafına mane olmaq üçün etiraz aksiyalarının təşkilində ittiham edib.

İranda 10 gündən artıqdır ki, hicab qaydasını pozmaqda ittiham edilən 22 yaşlı Məhsa Əmininin polis idarəsində ölümü ilə bağlı etiraz aksiyaları keçirilir. Hakimiyyət orqanları 1 189 nəfəri saxlayıb.


Etiketlər:  İran parlamenti etirazlarla bağlı vəziyyəti müzakirə edib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ