Dünya bu uşaqdan danışır: ağır yuxusu onu ölümdən xilas etdi - VİDEO

Tarix: 12 Oktyabr 2022 15:34

Taylandın Utai Sava şəhərində keçmiş polis məmuru Panya Xamrap uşaq bağçasına hücum edərək bir sinfin şagirdlərini öldürüb.

Sonxeber.net olke.az-a istinadən xəbər verir ki, qanlı hadisədən sonra sözügedən sinifdən olan şagirdlərinin birinin sağ olduğu üzə çıxıb.

Uşaq bağçasında baş verən bütün hücum zamanı 3 yaşlı Pavinak Supholvonq xoşbəxtlikdən sağ-salamat xilas olub. Buna səbəb azyaşlının hücum zamanı yorğanın altında yuxuda olmasıdır.

Kiçik qız yuxuda olan zaman hücum edən şəxs onun 34 sinif yoldaşını qətlə yetirib. Əvvəlcə Pavinakın öldüyünü düşünsələr də, o daha sonra yorğanın altından sağ-salamat tapılıb. Anası 3 yaşı qızın yuxusunun çox ağır olduğunu və qızının qətliamdan xəbərsiz ola biləcəyini deyib.

Faktla bağlı araşdırmalara başlanılıb.

Qeyd edək ki, vaxtilə polis məmuru olmuş Panya Xamrap narkotik istifadə etdiyi üçün işindən uzaqlaşdırılıb. Qəzəblənən şəxs əvvəlcə bağçada 34 uşağı qətlə yetirib, daha sonra isə evinə gedib həyat yoldaşı və övladını öldürdükdən sonra özünə qəsd edib.