Bakıda bu muzeyin eksponatına hamı baxa bilmir - Üzü örtülən dəhşətli fotolar... - VİDEO

Tarix: 20 Oktyabr 2022 15:58

950 şəhidin fotolarından ibarət muzey...

Sonxeber.net Xəzər Xəbər-ə istinadən xəbər verir ki, muzeydə 1-ci Qarabağ Müharibəsində şəhid olmuş vətəndaşlarımızın fotoşəkilləri, sənədləri, bəzi əşyaları və məktubları saxlanır. Müharibə iştirakçılarından biri olan, "General Əli bəy" təxəllüsü ilə tanınan Əlövsət Qasımov bu muzeyin təsisçisidir. O deyir ki, fotoşəkillərin hər birinin müəllifi özüdür. Bəzilərini isə hətta fotoaparatı gizlin şəkildə yerləşdirərək çəkməyə nail olub. Əlövsət Qasımov bildirir ki, onun məqsədi müharibənin reallıqlarını ölümsüzləşdirmək idi və bu muzey də gerçəkləri gələcək nəsillərə ötürmək üçün vasitə rolu oynayır.

Öz qardaşını da Qarabağ müharibəsində itirən Əlövsət Qasımov fotolarını çəkdiyi bəzi şəhidlərlə çiyin-çiyinə vuruşub. Əlövsət Qasımovun sözlərinə görə, o, mütəmadi olaraq şəhidlərimizin ailələrini taparaq ünsiyyətdə olur, onların qəhrəmanlıqlarından danışır və digər fotolarını da əldə edərək muzeyə gətirir.

Əlövsət Qasımov bildirir ki, bəzən təhsil müəssisələrində bu fotoşəkillərdən ibarət maarifləndirici sərgilər təşkil edir, bəzən də iştirakçıları muzeyə dəvət edir. Bu muzeyi indiyədək yüzlərlə ziyalı, eləcə də minlərlə şagird ziyarət edib.