ABŞ ordusu Ukraynaya daxil olur?

Tarix: 25 Oktyabr 2022 08:06

ABŞ Prezidenti Co Bayden Ukraynaya qoşun göndərməmək yönündə qərarını dəyişdirməyib.

Sonxeber.net axar.az-a istinadən bildirir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib.

"Ali Baş Komandanın ABŞ hərbçilərinin Ukrayna torpaqlarında döyüşlərdə iştirak etməyəcəyi ilə bağlı qərarında heç bir dəyişiklik yoxdur. Bu dəyişməyib.

101-ci hava-desant komandanlığının sözləri ilə bağlı danışa bilmərəm, bilirəm ki, onlar bir neçə müttəfiqimizlə NATO təlimlərində iştirak edir. Lakin prezident açıq şəkildə bildirdi: ABŞ silahlı qüvvələri Ukrayna ərazisində döyüşməyəcək" , - deyə o bildirib.

Qeyd edək ki, Rumıniyada səfərdə olan ABŞ 101-ci hava-desant diviziyasının komandiri hərbi eskalasiyanın NATO ölkələrinə hücuma çevriləcəyi təqdirdə ABŞ ordusunun Ukraynaya daxil olacağını istisna etməmişdi.