Aktual mövzular: Dollar alış-satışı, Neftin qiyməti, COP29, Hava proqnozu

Britaniya 2023-cü ildə Ukraynaya hərbi yardımı artıra bilər

Britaniya 2023-cü ildə Ukraynaya hərbi yardımı artıra bilər

Tarix: 28 Noyabr 2022 07:18

Böyük Britaniya 2023-cü ildə Ukraynaya hərbi yardımı artıra bilər.

Milli.Az "report"a istinadən bildirir ki, bunu Böyük Britaniyanın Baş naziri Rişi Sunak bəyan edib.

"Heç bir şübhəniz olmasın. Biz Ukraynaya nə qədər lazımdırsa, onu dəstəkləməyə davam edəcəyik. Gələn il hərbi yardımımızı saxlayacağıq və ya artıracağıq. Biz ukraynalıları və onların güvəndiyi kritik infrastrukturu qorumaq üçün yeni hava hücumundan müdafiə yardımı təqdim edəcəyik. Ukraynanı qorumaqla biz özümüzü qoruyuruq" - deyə, o bildirib.

Oktyabrın 25-də Baş nazir olan Sunak xarici siyasətlə bağlı ilk böyük çıxışında krallıq üçün uzunmüddətli strategiyanın zəruriliyinə diqqət çəkib:

"Mənim rəhbərliyim altında biz status-kvonu qəbul etməyəcəyik. Biz fərqli davranacağıq. Biz həmişə olduğu kimi, azadlığa, aşkarlığa və qanunun aliliyinə sarsılmaz inamımızla inkişaf edəcəyik, bu çağırış və rəqabət anında maraqlarımızın qorunacağına və dəyərlərimizin üstün olacağına əminik. Düşmənlərimiz və rəqiblərimiz uzunmüddətli planlar qururlar. Çətinliklər qarşısında qısa müddətli planlar və ya arzular yetərli deyil".

Milli.Az


Etiketlər:  Britaniya 2023 ildə Ukraynaya hərbi yardımı artıra bilər


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ