Aktual mövzular: Dollar alış-satışı, Neftin qiyməti, COP29, Hava proqnozu

Avropa Ukraynanın sürətli bərpasına başlayır

Tarix: 3 Fevral 2023 23:54

Avropa Komissiyası Ukraynanın sürətli bərpası üçün 1 milyard avro ayırıb.

Sonxeber.net "report"a istinadən xəbər verir ki, bunu Avropa Komissiyasının rəhbəri Ursula fon der Lyayen bu gün Kiyevdə Ukrayna Prezidenti Volodimir Zelenski ilə birgə keçirdiyi mətbuat konfransında bildirib.

O, qeyd edib ki, Avropa Komissiyası Ukraynada məktəblərin, xəstəxanaların sürətli bərpasını təmin etmək üçün 1 milyard avro ayırır və artıq prosesi koordinasiya etmək üçün xüsusi katibliyə malikdir: "Rusiya ordusunun infrastruktur obyektlərinə hücumları nəticəsində dağılmış binaların bərpası ilə yanaşı, Ukraynada məktəblər, xəstəxanalar və yollar hələ də bərpa olunmayıb. Buna görə də biz sürətli yeniləmə ilə başlayırıq. Bu, daha əhatəli bərpa prosesinin bir hissəsidir. Bunu təmin etmək üçün ilk 1 milyardın veriləcəyini elan etməyə hazıram. Artıq bizim xüsusi katibliyimiz var ki, o, işləyir və bu prosesləri koordinasiya etməyə başlayır, ona görə də dərhal başlaya bilərik", - AK rəhbəri əlavə edib.

Whatsapp ilə göndər