Məşhur müğənni Kahramanmaraşda əhaliyə yemək payladı - VİDEO

Tarix: 15 Fevral 2023 03:44

Livan əsilli isveçli müğənni Maher Zain Türkiyəyə gələrək zəlzələdən zərərçəkənlərə yardım işlərində şəxsən iştirak edib.

Sonxeber.net Türkiyə mediasına istinadən xəbər verir ki, zəlzələnin ilk günündən demək olar ki, hər gün Türkiyəyə dəstək çağırışı edən müsəlman müğənni İngiltərədə fəaliyyət göstərən "Salam Charity" xeyriyyə təşkilatı ilə bölgəyə ərzaq paylayıb.

Xeyriyyə fəaliyyətlərinin görüntülərini sosial media hesablarında paylaşan məşhur sənətçi "Zəlzələdən ən çox zərər çəkən şəhərlərdən biri olan Kahramanmaraşa gəldik. Buradakı dağıntılar haqqında sizə məlumat çatdırmağa çalışıram, amma bunu kamerada göstərmək mümkün deyil. Burada xırda işlər görürük, amma mən bunu çox zəruri hesab edirəm. Dəstəyiniz üçün hamınıza təşəkkür edirəm. Sizin sayənizdə biz bu yardımı göstərə bilirik" deyib. (publika)