Aktual mövzular: Dollar alış-satışı, Neftin qiyməti, COP29, Hava proqnozu

Bu ölkələrdə nikah yaşı 18-ə qaldırıldı

Tarix: 28 Fevral 2023 18:52

İngiltərə və Uelsdə evlənmək üçün minimum yaş həddi 16-dan 18-ə qaldırılıb. Qüvvəyə minmiş qanun gənc qızları məcburi nikahlardan qorumaq üçün nəzərdə tutulub.

Sonxeber.net oxu.az-a istinadən xəbər verir ki, Britaniya hökumətinin saytında dərc olunmuş press-relizdə qeyd edilir:

"Bundan sonra sosial cəhətdən həssas uşaqların nikahlarını təşkil etməklə istismar edilməsi qanunsuzdur. Üstəlik, bu cür nikahların təşkili istənilən şəraitdə cinayət məsuliyyətinə çevrilir".

"Zorakı olub-olmamasından asılı olmayaraq" - yeni qanuna görə, uşaq nikahlarının təşkilində təqsirli bilinən şəxsləri indi 7 ilə qədər həbs gözləyir. Əvvəllər evlilik yalnız məcburiyyət tətbiq edildikdə cinayət sayılırdı.

İndi qanunun qüvvəyə minməsi ilə hətta valideynlərin razılığı olsa belə, 16-17 yaşlı yeniyetmələrin ailə qurmasına icazə verilməyəcək.

Şotlandiya və Şimali İrlandiyada isə nikah üçün minimum yaş valideynlərin razılığı ilə 16 olaraq qalır.

Whatsapp ilə göndər