Aktual mövzular: Dollar alış-satışı, Məzənnə, Neftin qiyməti

Üç il əvvəl fəlakət yaşanan kruiz gəmisində daha bir həyəcan təbili

Üç il əvvəl fəlakət yaşanan kruiz gəmisində daha bir həyəcan təbili

Tarix: 10 Mart 2023 20:32

ABŞ-yə məxsus "Ruby Princess" kruiz gəmisində 300-ə yaxın sərnişin və heyət üzvü bağırsaq infeksiyasına yoluxub.

Milli.Az oxu.az-a istinadən xəbər verir ki, bu barədə ABŞ Xəstəliklərə Nəzarət və Profilaktika Mərkəzi (CDC) məlumat yayıb.

Qeyd olunub ki, kruiz fevralın 26-dan martın 5-dək baş tutub, layner artıq Texas ştatının Qalveston şəhərinə yanaşıb. Xəstəlik 2881 nəfərdən ən azı 284-nə təsir edib. Onlar qusma və ishal kimi simptomlarla üzləşiblər.

Baş verənlərin dəqiq səbəbi bilinmir.

Ancaq gəminin sahibi olan "Princess cruises" şirkəti "norovirus"u ən çox ehtimal olunan səbəb adlandırıb.

Qeyd edək ki, "norovirus" adətən "kruiz gəmisi virusu" hesab olunur.

Xatırladaq ki, 2020-ci ildə "Ruby Princess" gəmisi koronavirusun ocağına çevrilmişdi. Həmin vaxt layner yüzlərlə yoluxmuş insanla Sidney limanına yanaşmışdı. Daha sonra yoluxanların sayı 663 nəfərə çatmış, onlardan da 28-i həyatını itirmişdi.

Milli.Az


Etiketlər:  Üç il əvvəl fəlakət yaşanan kruiz gəmisində daha bir həyəcan təbili


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ