Aktual mövzular: Dollar alış-satışı, Neftin qiyməti, COP29, Hava proqnozu

''Bordin mənə zəng vurub, kömək istədi” - “Neftçi”dən ayrılan futbolçu

Tarix: 18 Oktyabr 2019 13:20

“Azərbaycanda üç ay yarım keçirdim. Karyeramda dəyişikliklər etmək istəyirdim".

Qol.az xəbər verir ki, bu sözləri “Neftçi”nin sabiq futbolçusu Canluka Sansone deyib.

İtaliyalı hücumçu ölkəsinin mətbuatına açıqlamasında "ağ-qaralar"dan tez ayrılmasının səbəbini açıqlayıb: “Neftçi”də çalışan italiyalı baş məşqçi Roberto Bordin mənə zəng vurub, kömək göstərməyimi xahiş etdi. Mən də razılaşdım. Amma geri tez qayıtdım. Çünki orada asan deyildi. Fərqli mədəniyyəti hiss edirdim. Həm də 32 yaşında evli olmamağım mənə çətinlik yaradırdı”.

Qeyd edək ki, hazırda D seriyası təmsilçisi “Audase”da çıxış edən Sansone 2019-cu ilin fevralından mayına qədər “Neftçi”də oynayıb və 11 matçda 2 qol vurub.