Aktual mövzular: Dollar alış-satışı, Neftin qiyməti, COP29, Hava proqnozu

Martda Türkiyədə Qazaxıstan kapitalı ilə 20-dən çox şirkət qeydiyyata alınıb

Martda Türkiyədə Qazaxıstan kapitalı ilə 20-dən çox şirkət qeydiyyata alınıb

Tarix: 28 Aprel 2023 15:10

2023-cü ilin mart ayında Türkiyədə Qazaxıstan kapitalı ilə 21 şirkət qeydiyyata alınıb ki, bu da 2022-ci ilin eyni dövrü ilə müqayisədə 5 şirkət azdır.

Bu barədə TurkicWorld-a Türkiyə Ticarət və Sənaye Palatasından (TOBB) məlumat verilib.

Məlumatda qeyd olunur ki, hesabat dövründə, qeydiyyata alınan Qazaxıstan şirkətlərinin sayının azalmasına baxmayaraq, onların ümumi kapıtalı artıb.

"Hesabat dövründə Türkiyədə qeydiyyata alınan Qazaxıstan şirkətlərinin məcmu kapitalı 8,2 milyon türk lirəsi olduğu halda, 2022-ci ilin eyni dövründə bu rəqəm 4,7 milyon türk lirəsi təşkil edib"- deyə TOBB-dan bildirilib.

TOBB-dan o da qeyd olunub ki, 2023-cü ilin mart ayında Qazaxıstan şirkətlərinin əksəriyyəti İstanbulda (16) qeydiyyata alınıb.

"İstanbulda qeydiyatdan keçən Qazaxıstan şirkətlərinin ümumi kapitalı 5,4 milyon türk lirəsi təşkil edib" - deyə TOBB-dan bildiriblər.

Qeyd olunub ki, 2023-cü ilin mart ayında Türkiyədə Qazaxıstan kapitalı ilə 11 topdan və pərakəndə ticarət şirkəti qeydiyyata alınıb.

Qalan şirkətlər iqtisadiyyatın digər sahələrində iştirak edir.


Etiketlər:  Martda Türkiyədə Qazaxıstan kapitalı ilə dən çox şirkət qeydiyyata alınıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ