Aktual mövzular: Dollar alış-satışı, Neftin qiyməti, COP29, Hava proqnozu

III Avropa Oyunlarının açılış mərasimində Azərbaycan milli komandasının keçidi olub - FOTO

Tarix: 22 Iyun 2023 00:18

Polşada keçirilən III Avropa Oyunlarının təntənəli açılış mərasimində Azərbaycan milli komandasının keçidi olub.

Milli.Az AZƏRTAC-a istinadən bildirir ki, komandamızın keçidi zamanı Azərbaycan Bayrağını qılıncoynadan Barat Quliyev və kamandan oxatan Yaylagül Ramazanova daşıyıblar.

İyulun 2-dək davam edəcək III Avropa Oyunlarında 48 ölkədən 7 minə yaxın idmançı mübarizə aparacaq. İdmançılar 29 növ üzrə 253 dəst medalın sahibini müəyyənləşdirəcək. Azərbaycan Krakov-2023-də 13 növ üzrə 86 idmançı ilə təmsil olunur.

Qeyd edək ki, tarixdə ilk Avropa Oyunları 2015-ci ildə Bakıda, ikinci multiidman tədbiri 2019-cu ildə Minskdə baş tutub. Azərbaycan millisi bu yarışlarda 84 medal qazanıb. İdmançılarımız 26 qızıl, 25 gümüş və 33 bürünc mükafat əldə edib. Komandamız medal sıralamasında Bakı-2015-də 2-ci, Minsk-2019-da 10-cu yeri tutub.

Milli.Az