Aktual mövzular: Dollar alış-satışı, Neftin qiyməti, COP29, Hava proqnozu

Blinken Priqojin haqda “film davam edir” mesajı verdi

Tarix: 26 Iyun 2023 12:48

Bu, Vaşinqtonun Rusiya ilə bağlı qeyri-müəyyənlik yaratmaq üçün təbliğat xarakterli tezisi də ola bilər, lakin ABŞ kəşfiyyatının məlumatlılığı fonunda bunu "Putinin hakimiyyətinə qarşı qiyamların davam edəcəyi" mesajı olaraq da görmək olar. Bununla həm də Priqojinin tək olmadığına işarə edilir.

Sonxeber.net axar.az-a istinadən bildirir ki, bu sözləri politoloq Asif Nərimanlı ABŞ Dövlət katibi Entoni Blinkenin Priqojin qiyamı ilə bağlı "Film davam edir və hələ son pərdəni görməmişik" sözlərini şərh edərkən deyib.

O bildirib ki, Ukrayna müharibəsi başlayandan sonra Rusiyada elita qarşıdurmasının kəskinləşdiyini gündəlik xəbər lentindən də görmək mümkün idi:

"Priqojinin qiyamı bu kəskinləşmənin partlaması olsa da, Putinin xaosu idarə etdiyi və narazıları təmizləmək üçün prosesi bu həddə çatdırdığı istisna edilməməlidir. Mümkündür ki, bundan sonra Kremlin diqqəti həm də daxili hesablaşmalara yönələcək. Və bu, rus sülhməramlıların olduğu Qarabağdakı proseslər baxımından Azərbaycan üçün sərfəlidir".

Whatsapp ilə göndər