Aktual mövzular: Dollar alış-satışı, Neftin qiyməti, COP29, Hava proqnozu

“Canıyev cinayət dəstəsi”nin rəhbəri SAXLANILDI - FOTO

Tarix: 17 Iyul 2023 18:46

İnterpol tərəfindən axtarışda olan "Kölgə" ləqəbli Quram Çixladze İstanbul Polis İdarəsinin Mütəşəkkil Cinayətkarlıqla Mübarizə Şöbəsinin qrupları tərəfindən Küçükçekmecedə keçirilən əməliyyat nəticəsində yaxalanıb.

Sonxeber.net Unikal-a istinadən xəbər verir ki, bu barədə Türkiyənin "Aydınlık" qəzeti məlumat yayıb.

Çixladzenin Beşiktaşda silahlı basqın nəticəsində öldürülən azərbaycanlı "qanuni oğru" Rövşən Canıyevin qardaşı Namiq Canıyevin rəhbərlik etdiyi "Canıyev cinayət dəstəsi" kimi tanınan qruplaşmanın rəhbərlərindən biri olduğu müəyyən edilib.

Gürcüstan əsili "qanuni oğru"nun Rusiyada bir çox qətl cinayətlərinin icraçısı olduğu üçün İnterpol vasitəsilə Rusiya səlahiyyətliləri tərəfindən həbs qərarı çıxarıldığı öyrənilib. Quram Çixladze polis bölməsindəki prosedurlardan sonra təhvil verildiyi məhkəmə orqanları tərəfindən həbs edilərək həbsxanaya göndərilib.