Aktual mövzular: Dollar alış-satışı, Neftin qiyməti, COP29, Hava proqnozu

“İdman” TV: “Yayımla bağlı ortaya çıxan problemdə “Qarabağ” klubu da məsuliyyət daşıyır”

“İdman” TV: “Yayımla bağlı ortaya çıxan problemdə “Qarabağ” klubu da məsuliyyət daşıyır”

Tarix: 25 Avqust 2023 14:28

"Yayımla bağlı ortaya çıxan problemdə "İdman" TV qədər "Qarabağ" klubu da məsuliyyət daşıyır".

Sonxeber.net report-a istinadən xəbər verir ki, bu barədə "İdman" TV UEFA Avropa Liqasının pley-off mərhələsində "Qarabağ"ın Sloveniya klubu "Olimpiya" ilə keçirdiyi səfər oyunu zamanı yayımda yaranmış problemlə bağlı bəyanatda bildirib.

Telekanal rəhbərliyi məsələ ilə bağlı yaxın müddətdə Azərbaycan çempionunun rəsmiləri ilə görüş keçirməyi planlaşdırır: "Olimpiya" - "Qarabağ" görüşünün "İdman" TV vasitəsilə göstərilməməsindən narahatlığınızı və iradlarınızı başa düşür, üzr istəyirik. "Qarabağ" klubundan fərqli olaraq, biz yaranmış problemin əsl mahiyyətini araşdırmadan kimisə ittiham etmək istəmirik. Odur ki, ən yaxın zamanda klub rəhbərləri ilə AzTV rəhbərliyi arasında görüş keçiriləcək".

Qeyd edək ki, "Qarabağ"ın 2:0 hesabı ilə qalib gəldiyi qarşılaşma 69-cu dəqiqədən etibarən yayımlanıb.


Etiketlər:  İdman Yayımla bağlı ortaya çıxan problemdə Qarabağ klubu məsuliyyət daşıyır


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ