Aktual mövzular: Dollar alış-satışı, Neftin qiyməti, COP29, Hava proqnozu

Çarlz Braunun vəzifəsi təsdiqləndi

Çarlz Braunun vəzifəsi təsdiqləndi

Tarix: 21 Sentyabr 2023 08:32

ABŞ Senatı general Çarlz Braunun Birləşmiş Qərargah Rəisləri Komitəsinin sədri vəzifəsinə namizədliyini təsdiqləyib.

Sonxeber.net report-a istinadən xəbər verir ki, Braunun namizədliyinin lehinə 83, əleyhinə 11 nəfər səs verib.

Braun səlahiyyət müddəti oktyabrın 1-də başa çatacaq Birləşmiş Qərargah Rəisləri Komitəsinin rəisi vəzifəsində Mark Millini əvəz edəcək.

O, 2020-ci ildə Braun Birləşmiş Ştatlar Hərbi Hava Qüvvələrinin baş komandanı kimi təsdiqlənən ilk afroamerikalı olub.

Birləşmiş Qərargah Rəisləri Komitəsinin rəisi kimi o, Kolin Paueldən sonra bu vəzifəni tutan ikinci afroamerikalı olacaq.

Bundan əlavə, Braunun təsdiqi ABŞ tarixində ilk dəfədir ki, həm Pentaqonun yüksək səviyyəli rəhbərləri - müdafiə naziri, həm də Birləşmiş Qərargah Rəisləri Komitəsinin rəisi afroamerikalıdır.

Senatın da bu həftə general Erik Smitin Dəniz Piyadaları Korpusunun komandiri, general Rendi Corcun isə ordunun baş qərargah rəisi vəzifəsinə təsdiq edilməsi ilə bağlı səsvermə keçirəcəyi gözlənilir.


Etiketlər:  Çarlz Braunun vəzifəsi təsdiqləndi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ