Aktual mövzular: Dollar alış-satışı, Neftin qiyməti, COP29, Hava proqnozu

İranda 28 İŞİD terrorçusu saxlanılıb

İranda 28 İŞİD terrorçusu saxlanılıb

Tarix: 24 Sentyabr 2023 18:12

İranın kəşfiyyat xidmətləri Tehranda 30 partlayışın qarşısını alıb.

Sonxeber.net oxu.az-a istinadən xəbər verir ki, bu barədə ölkənin Kəşfiyyat Nazirliyi məlumat yayıb.

"Xüsusi xidmətlər Tehranın sıx məskunlaşdırılmış ərazilərdə 30 terror partlayışı təşkil etmək istəyən şəxslərin hamısını aşkar edib, zərərsizləşdirib və həbs ediblər", - nazirlikdən bildirilib.

Məlumata görə, kəşfiyyatçılar üç əyalətdə - Əlburz, Qərbi Azərbaycan və Tehranda 28 şübhəlini saxlayıblar. Onların hamısı "İraq Şam İslam Dövləti" terror qruplaşması ilə əlaqəlidir.

Həbslər zamanı cinayətkarların üzərində çoxlu sayda partlayıcı qurğu, o cümlədən saatlı bomba və kamikadze jiletləri aşkar edilib. Bundan başqa, terrorçuların əllərində 17 silah, döyüş sursatı və peyk rabitə vasitələri olub.

Antiterror əməliyyatlarından biri zamanı İslam Respublikasının iki kəşfiyyatçısı yaralanıb.


Etiketlər:  İranda İŞİD terrorçusu saxlanılıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ