Aktual mövzular: Dollar alış-satışı, Məzənnə, Neftin qiyməti

"Ramiz Mehdiyevin dedikləri cinayət əməlinin etirafıdır” - Deputat

Tarix: 10 Oktyabr 2023 18:42

Xəbər verdiyimiz kimi, Prezident Adminsitrasiyasının keçmiş rəhbəri Ramiz Mehdiyevin ailə bankı olan "Bank BTB" satışa çıxarılıb. R. Mehdiyevin oğlu tərəfindən satışa çıxarılan bankın 15 milyon manata satılması barədə razılıq da əldə olunub. AMEA-nın keçmiş prezidenti mətbuata açıqlamasında bankın oğlu general-mayor Teymur Mehdiyevin adına olduğunu bildirib. 

Qeyd edək ki, Teymur Mehdiyev fövqəladə hallar nazirinin müavinidir. Bəs, yüksək vəzifəli generalın biznes fəaliyyəti ilə məşğul olması nə dərəcədə qanunidir?

Mövzu ilə bağlı danışan Milli Məclisin Hüquq siyasəti və dövlət quruculuğu komitəsinin üzvü Fəzail Ağamalı News24.az-a açıqlamasında bildirib ki, dövlət qurumunda təmsil olunan şəxsin biznes fəaliyyəti ilə məşğul olması qanunla qadağandır.

"Buna görə Cinayət Məcəlləsində məsuliyyətə cəlb edilmə nəzərdə tutulub. Əgər həqiqətən rəsmi şəkildə deyilənlər doğrudursa, bunun özü (Ramiz Mehdiyevin açıqlaması - red.) birbaşa cinayət əməlinin törədilməsi ilə bağlı etirafdır", - F. Ağamalı qeyd edib.

Milli.Az


Etiketlər:  Ramiz Mehdiyevin dedikləri cinayət əməlinin etirafıdır Deputat


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ