HƏMAS sözçüsünün ailəsinə divan TUTULDU

Tarix: 25 Oktyabr 2023 22:32

Ərəb mənbələri Qəzza zolağının şimalındakı Cəbəliyə düşərgəsində Kəhlut ailəsinin (HƏMAS-ın hərbi qanadının sözçüsü Əbu Ubeydənin əsl adı) evinə hücum nəticəsində 13 nəfərin öldüyünü, 35 nəfərin yaralandığını bildirir.

Sonxeber.net bildirir ki, Ubeydənin evdə olub-olmaması barədə dəqiq məlumat yoxdur.

Xatırlaadaq ki, İsrail ordusu HƏMAS-ın hərbi qanadının sözçüsü Əbu Übeydə ləqəbli şəxsin Hədifa Kəhlut əbu Übeydə adlı şəxs olduğunu açıqlayıb.

Bu barədə İsrail Müdafiə Qüvvələrinin sözçüsü Avicay Adri məlumat verib.

"O, HƏMAS-ın İsrailə raket atmaq üçün mülki binaların arxasında gizləndiyi kimi, Əbu Übeydə adı və qırmızı örtüyün arxasında gizlənən Hədifa Kəhlut əbu Übeydədir.

O və digər HƏMAS-İŞİD liderləri tunellərdə, qadın və uşaqların, həmçinin maskalar və kölgələrin arxasında gizlənməyi xoşlayırlar. Xudayfa Xalut ifşa olundu. Örtüyü atmağın vaxtı gəldi", - sözçü deyib.