Maradona və Pelenin məhrum qaldığı “Qızıl top” nədən hazırlanır?

Tarix: 31 Oktyabr 2023 07:20

Xəbər verdiyimiz kimi, ötən gün "France Football" nəşrinin təsis etdiyi mükafatın qalibi Argentina millisinin hücumçusu Lionel Messi olub.

Bəs "Qızıl top" doğrudanmı qızıldan hazırlanır? Deyilsə, niyə bu qədər dəyərlidir? 

Milli.Az qafqazinfo-ya istinadən xəbər "Qızıl top" barədə məlumatı təqdim edir:

"Qızıl top"u 50-ci illərdə "France Football" jurnalının baş redaktoru Qabriel Hanot təsis edib.

O, əvvəllər futbol oynayıb, hətta Fransa millisinə də qatılıb. Sonra isə jurnalist fəaliyyətinə başlayıb və idman sahəsində xeyli işlər görüb. 1954-cü ildə həmkarları ilə birlikdə bir il sonra yaradılan Çempionlar Kuboku (Çempionlar Liqasının analoqu) haqqında müzakirələr aparıb. O, həmçinin təlimçilər üçün ilk Avropa seminarlarını təşkil edib. Hanault ən yaxşı gənc fransız futbolçularını o vaxtdan seçməyə başlayıb. Dörd dəfə Fransa çempionluğunu və Dünya Kubokunda bürünc medal qazanan istedadlı Raymond Kopanı belə kəşf edib.

1956-cı ildə ingilis Stenli Metyus Avropada ilin ən yaxşı oyunçusu - "Qızıl top"un sahibi seçilib. O vaxtdan da "France Football" "Qızıl top"u fərqlənənə layiq görür.

1995-ci ilə qədər "Qızıl top" yalnız Avropa klublarından avropalılara verilirdi, ona görə də Maradona və Pele ondan məhrum qalıb. İndi "Qızıl top"u dünyanın istənilən futbolçusu istənilən komandadan ala bilər. Onun ilk avropalı olmayan sahibi isə George Weah olub.

Mükafat 13000 avroya başa gəlir

Qızıl topun dizaynını Mellerio dits Meller ailə şirkəti yaradıb. Həmin biznes indi Fransua və Olivier Mellerio tərəfindən idarə olunur. Bu, artıq onların ailəsində 14-cü sənətkar nəslidir.

80-ci illərə qədər kiçik olan mükafatın indi hündürlüyü 31 sm, eni 23 sm, dərinliyi isə 23 sm-dir.

Bu top qızıla bənzəsə də, zərli iki mis yarımkürədən ibarətdir. Qızıla batırılır və bütün istehsal təxminən 13 min avro dəyərində qiymətləndirilir. 

Milli.Az