Dünyanın ən kiçik veb-kamerası təqdim edildi – 4K zənglər üçün

Tarix: 25 Noyabr 2023 14:00

"Opal" şirkəti 4K ultra görüntü keyfiyyətli video çəkə və yayımlaya bilən yeni 48 meqapiksellik "Tadpole" veb kamerasını təqdim edib. 

Sonxeber.net lent.az-a istinadən bildirir ki, bu kameranın qiyməti 15 min rubldur(təxminən 286 manat). 

"Opal Tadpole" 30,5 x 30,5 mm kompakt ölçülərə və cəmi 45 q çəkiyə malikdir. Şirkət iddia edir ki, bu, indiyə qədər yaradılmış dünyanın ən kiçik veb kamerasıdır. O, 48 meqapiksellik Sony IMX582 sensoru və aydın və parlaq təsvirləri təmin edən altı elementli f/1.8 obyektivlə təchiz edilib. Kamera daxili klipdən istifadə edərək asanlıqla istənilən noutbuka qoşulur və toxunmuş USB-C kabeli daşıma kəməri kimi ikiqat funksiyanı yerinə yetirir.

Bununla belə, "Opal Tadpole"un ən mühüm xüsusiyyəti onun süni intellektlə işləyən yönləndirici mikrofonudur ki, bu da insan səsini fon səs-küyündən və digər səslərdən ayırmağa qadirdir. Kamera yalnız işarə etdiyi obyektdən səs yazır və cihazın daxilində səs tunelinin effekti yaradır. Bundan əlavə, kamerada bir toxunuşla istifadə zamanı səsi yandırıb söndürməyə imkan verən "Tap to Mute" funksiyası var.

"Opal Tadpole" həm "Apple" kompüterləri, həm də "Windows" cihazları ilə uyğun gəlir.