Aktual mövzular: Dollar alış-satışı, Məzənnə, Neftin qiyməti

Çılpaq partinin keçirildiyi klub bağlandı

Çılpaq partinin keçirildiyi klub bağlandı

Tarix: 11 Yanvar 2024 06:15

Aparıcı Nastya İvleevanın çılpaq partisinin keçirildiyi "Mutabor" klubu 90 gün müddətinə bağlanıb.

Milli.Az axşam.az-a istinadən xəbər verir ki, bu barədə Moskvanın Lefortovo Rayon Məhkəməsi qərar verib. Müddət dekabrın 27-dən hesablanır.

Klubun sahibi "Art Center" MMC sanitar-epidemioloji tələbləri pozmaqda (İnzibati Xətalar Məcəlləsinin 6.6-cı maddəsi) təqsirli bilinib. Bu maddəyə əsasən, hüquqi şəxs 30-50 min rubl cərimədən tutmuş 90 günə qədər fəaliyyətin dayandırılmasına qədər cərimələrlə üzləşir.

Kluba qarşı iddianı Rusiyanın İstehlakçı Hüquqlarının Müdafiəsi və İnsan Rifahı Sahəsinə Nəzarət üzrə Federal Xidməti ("Rospotrebnadzor") qaldırıb. Məclisdə yoluxucu xəstəlik daşıyıcısı olan şəxsin məkanda olduğu bildirilib. Şöbə sübut kimi yoluxucu xəstənin kartını və onun pivə alması üçün qəbzi göstərib.

Qeyd edək ki, çılpaq partidə Kseniya Sobçak, Filipp Kirkorov, Lolita Milyavskaya, Jiqan, Oksana Samoylova, Anna Asti, Dima Bilan, Qlükoza kimi məşhurlar iştirak ediblər. Gecədən şəkillər internetdə yayıldıqdan sonra İvleeva və tədbirin digər iştirakçıları tənqid olunublar.
Milli.Az


Etiketlər:  Çılpaq partinin keçirildiyi klub bağlandı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ