Aktual mövzular: Dollar alış-satışı, Neftin qiyməti, COP29, Hava proqnozu
Tarix: 17 Yanvar 2024 09:48
İsrail ordusunun Xan Yunis şəhəri yaxınlığında mülki infrastruktura endirdiyi hava hücumları və artilleriya hücumları 13 mülki şəxsin ölümünə səbəb olub.
Sonxeber.net APA-ya istinadən bildirir ki, bu barədə Fələstinin WAFA xəbər agentliyi məlumat yayıb.
Bununla da ərazidə bir gündə zərəçəkənlərin sayı 23-ə çatıb.
Agentliyin məlumatına görə, İsrail aviasiyası Xan Yunisin qərbində 4 evi vurub.
Şəhərin Əl-Nəmsəvi rayonunda bir neçə yaşayış binası da kütləvi atəşə məruz qalıb. Xan Yunisin qərbində və şərqində Batn əs-Səmin və Yeni Abasan ərazilərində artilleriya zərbələri endirilib.
Oktyabrın 7-dən Qəzza zolağında ölənlərin sayı 24 min 200-ü keçib, 61 mindən çox insan xəsarət alıb. Daha 8 min nəfər itkin düşmüş hesab olunur.