Aktual mövzular: Dollar alış-satışı, Neftin qiyməti, COP29, Hava proqnozu

Sərgidə mühafizəçinin bu hərəkəti gündəm oldu - FOTO

Tarix: 2 Fevral 2024 20:36

Moskvada mühafizəçi Xalq Təsərrüfatı Nailiyyətləri Sərgisində keçirilən müasir incəsənət sərgisində rəsmin bir hissəsini qoparıb yeyib.

Sonxeber.net oxu.az-a istinadən bildirir ki, təşkilatçılar "Qızıl balığın qaçışı" adlı rəsm əsərinin bir hissəsinin qoparıldığını görüblər. Bunun hansı şəraitdə baş verdiyini öyrənmək üçün onlar müşahidə kameralarına baxmaq qərarına gəliblər.

Görüntülərdə mühafizəçinin eksponata yaxınlaşaraq bir hissəsini qopartdığı aydın olub. Sonra o, fraqmenti ağzına qoyur və yeməyə çalışır. Kişi yuxusuz gecə keçirdiyini, yorğun olduğunu, nə etdiyini anlamadığını bildirib.

Hadisədən sonra mühafizəçi işdən uzaqlaşdırılıb. Bildirilib ki, eksponat tezliklə bərpa olunacaq.