Aktual mövzular: Dollar alış-satışı, Məzənnə, Neftin qiyməti

Hakan Fidan: Qəzzadakı böhran daha da böyüyə bilər

Tarix: 5 Fevral 2024 00:50

Qəzza zolağındakı böhran regiondan kənara da yayılaraq daha böyük və idarəolunmaz hərbi münaqişəyə gətirib çıxara bilər.

Milli.Az APA-ya istinadən xəbər verir ki, bunu Türkiyənin xarici işlər naziri Hakan Fidan "A-haber" telekanalına açıqlamasında deyib.

"Qəzzada müharibə başlayandan bəri biz münaqişənin bütün regiona yayılma riskini daim gündəmə gətirmişik", - deyə Fidan bildirib.

Diplomatın fikrincə, İsrailin Qəzzadakı hərəkətlərini "odla oynamaq"la müqayisə etmək yerinə düşər.

"Odla oynadığınız zaman bu yanğın hər an alova çevrilə və idarəolunmaz hala gələ bilər. Biz bu risklə üz-üzəyik. Türkiyə regional tərəfdaşları və ABŞ ilə daim danışıqlar aparır. Münaqişə daha da böyüyə və bölgədən kənara da yayıla bilər" - diplomat vurğulayıb.

Milli.Az

Whatsapp ilə göndər