Azərbaycan və Ermənistan XİN başçıları görüşəcək - Paşinyan

Tarix: 19 Fevral 2024 09:51

Ermənistanın baş naziri Nikol Paşinyan bildirib ki, Azərbaycan prezidenti İlham Əliyevlə görüşdə iki ölkənin xarici işlər nazirləri səviyyəsində danışıqların təşkili barədə razılıq əldə olunub. 

Əsas müzakirə mövzusu sülh müqaviləsinin razılaşdırılması, həmçinin Ermənistan və Azərbaycan arasında sərhədin demarkasiyası və delimitasiyası məsələləri olacaq.

"Biz prezident Əliyevlə razılaşdıq ki, yaxın vaxtlarda Ermənistan və Azərbaycan xarici işlər nazirlərinin görüşü baş tutacaq, bundan sonra ölkələr arasında sərhədin demarkasiyası və delimitasiyası üzrə komissiyanın növbəti iclası da keçiriləcək". Paşinyan bu gün, fevralın 18-də İlham Əliyev və ATƏT-in baş katibi Helqa Şmidlə görüşdüyü Almaniyadakı erməni diasporunun nümayəndələri ilə görüşündə deyib (TASS-a istinadən).

Ermənistanın baş nazirinin sözlərinə görə, xarici işlər nazirlərinin görüşü sülh müqaviləsinin mətninin sonrakı müzakirəsi və razılaşdırılmasına aid olacaq. 

"Sazişin bir sıra maddələri razılaşdırılıb, prinsipial əhəmiyyət kəsb edən bir sıra maddələr hələ də razılaşdırılmayıb. Və bu istiqamətdə işlər görülməlidir. Və biz razılaşdıq ki, biz bu işi həyata keçirəcəyik", - o əlavə edib (İnterfaks).

İlin əvvəlindən bəri ilk dəfə Nikol Paşinyan və İlham Əliyev fevralın 17-də Münhendə görüşüblər. 
Görüşdə Almaniya kansleri Olaf Şolz da iştirak edib.

Milli.Az