Aktual mövzular: Dollar alış-satışı, Neftin qiyməti, COP29, Hava proqnozu
Tarix: 21 Aprel 2024 10:12
Şənbə günü axşam yerli vaxtla ABŞ-ın Tennessi ştatının Memfis şəhərində şəhər parkında icazəsiz ictimai şənlik zamanı atışma olub. Nəticədə iki nəfər ölüb, altı nəfər yaralanıb.
Sonxeber.net APA-ya istinadən bildirir ki, bu barədə yerli polis məlumat yayıb.
Polis rəisi Carolyn Davis hadisə yerində keçirdiyi mətbuat konfransında deyib ki, polis yerli vaxtla saat 19:19-da atışma barədə xəbərə cavab verib. Davis bildirib ki, iki nəfər hadisə yerində ölüb, yaralılardan bir nəfərin vəziyyəti ağırdır.
Atışma Orange Mound Parkda olub. Davisin dediyinə görə, 200-300 nəfərin iştirak etdiyi şənliyə rəsmi icazə olmayəb.
Hadisə ilə bağlı həbslər barədə hələlik məlumat yoxdur.