Aktual mövzular: Dollar alış-satışı, Neftin qiyməti, COP29, Hava proqnozu

Suares qol vursa, sevinməyəcək

Tarix: 7 May 2019 12:16

"Finala çıxmağın çətin olacağını bilirik. Güclü rəqibə qarşı oynayacağıq. Ancaq bizim də öz silahımız var və finala adımızı yazdıra bilərik".

Qol.az-ın məlumatına görə, bu sözləri "Barselona"nın futbolçusu Luis Suares Çempionlar Liqasının yarımfinalında "Liverpul"la cavab oyunu öncəsi deyib.

"Liverpul"da Salah və Firminonun oynamamağı onlar üçün ciddi itkilərdir. Amma bu, rəqibin oyununu dəyişdirməyəcək. Çünki onlardan da başqa özlərini göstərə biləcək güclü futbolçular var. Onlara hörmət etməliyik" - deyə o bildirib.

Uruqvaylı hücumçu sabiq klubu "Liverpul"a bu qarşılaşmada qol vuracağı təqdirdə, sevinməyəcəyini söyləyib: "Futboldan anlayanlar ilk matçda sevinməyimi normal qarşıladı. "Liverpul" azarkeşlərinə hörmət edirəm. Onlara minnətdaram. Azarkeşlərin məni fitə basacağını yox, alqışlayacağını düşünürəm. "Enfild"də qol vursam, sevinməyəcəm".

Qeyd edək ki, "Liverpul" - "Barselona" görüşü bu gün Bakı vaxtı ilə saat 23:00-da başlayacaq. Bu komandalar arasında ilk oyun Kataloniya klubunun 3:0 hesablı qələbəsi ilə başa çatıb.

Whatsapp ilə göndər