Aktual mövzular: Dollar alış-satışı, Neftin qiyməti, COP29, Hava proqnozu

Təyyarədə həyəcanlı anlar: Sərnişin təcili çıxış qapısını açdı...- VİDEO

Tarix: 25 Avqust 2024 01:02

Avstraliyada təyyarədən tullanaraq videoya düşən "Jetstar" sərnişini ilə bağlı təfərrüat ortaya çıxıb. Bu təfərrüatı digər sərnişin sosial şəbəkədə paylaşıb.

Sonxeber.net oxu.az-a istinadən bildirir ki, Kayl Kennetin dediyinə görə, uçuş zamanı həmin sərnişin beş-altı dəfə tualetə gedib, siqaret çəkib və təcili çıxışa baxırmış. Bundan əlavə, həmin şəxs stüardessalardan spirtli içki tələb edib.

Enişdən dərhal sonra sərnişin təcili çıxışa gedib və ekipaj onu dayandırmağa çalışsa da, o, bir əli ilə 45 kiloqramlıq qapını aça bilib.

"O, aqressiv deyildi və bir az həyəcanlı görünürdü, sanki həmin an təcili olaraq təyyarəni tərk etməli idi" , - deyə Kennet bildirib.

Qeyd edək ki, fövqəladə hadisə avqustun 22-də Sidneydən Melburna uçan təyyarədə baş verib. Enişdən bir neçə dəqiqə sonra sərnişin təcili çıxış qapısını açıb və qanadın üzərinə çıxıb. Bundan sonra o, həbs edilib.

Whatsapp ilə göndər