Aktual mövzular: Dollar alış-satışı, Neftin qiyməti, COP29, Hava proqnozu

Yox oluruq, demoqrafik əməliyyat lazımdır - Rus alim

Tarix: 2 Sentyabr 2024 07:44

Rusiyada gələcəkdə ölkə əhalisinin tamamilə yox olmasının qarşısını almaq üçün xüsusi "demoqrafik əməliyyat" həyata keçirmək lazımdır.

Sonxeber.net axar.az-a istinadən xəbər verir ki, bunu Rusiya Elmlər Akademiyasının Mərkəzi İqtisadiyyat və Riyaziyyat İnstitutunun direktoru Albert Baxtizin deyib.

O, problemin fəlakətli olduğunu qeyd edib:

"Biz ildə 500-600 min insan itiririk. Bu, ərazinin böyüklüyünü, iqtisadiyyata tələb olunan artım tempini saxlamaq üçün xeyli sayda insanın ehtiyacını nəzərə alsaq, milli təhlükəsizliyə təhlükə yaradır. Beləliklə, bu gün ən vacib vəzifələrdən biri ölkə əhalisinin sayını artırmaqdır".

Baxtizin BMT-nin əsrin sonuna qədər Rusiya əhalisinin 120,5 milyon nəfərə qədər azalacağı proqnozunu xatırladıb və bildirib ki, onun rəhbərlik etdiyi mərkəzin göstəriciləri daha pessimistdir:

"Rusiyada doğum nisbətini artırmağın təsirli yolları arasında deurbanizasiyanı - ölkə üzrə əhalinin vahid paylanması və adambaşına düşən yaşayış sahəsinin artırılmasını həyata keçirmək olar".

Whatsapp ilə göndər