Aktual mövzular: Dollar alış-satışı, Neftin qiyməti, COP29, Hava proqnozu

Səhiyyə Nazirliyi xəbərdarlıq etdi: Hava təhlükəlidir

Səhiyyə Nazirliyi xəbərdarlıq etdi: Hava təhlükəlidir

Tarix: 2 Dekabr 2019 09:56

Bakı. Elnur Bağışov - Trend:

İranın Səhiyyə Nazirliyi Tehran şəhərində bütün əhaliyə uzun müddətə və ağır fəaliyyətlər üçün mənzildən çıxmamaları haqda xəbərdarlıq edib.

Trend-in məlumatına görə, bunu İranın Səhiyyə Nazirliyinin Ətraf Mühit Sağlamlığı və Əmək Mərkəzinin hava təmizliyi və iqlim dəyişikliyi qrupunun sədri doktor Abbas Şahsevəni deyib.

A.Şahsevəninin sözlərinə görə, ürək-damar xəstələri, uşaqlar, yaşlılar və hamilə qadınlara mənzildən çıxmamaq məsləhət görülür.

Ötən sutka ərzində Tehran şəhərində havanın keyfiyyət indeksi ilə orta hesabla çirklilik 157 mikrondur.

Nazirlik rəsmisi bildirib ki, şəhər sakinləri açıq havada idmanla məşğul olmağı minimuma endirməli və ya qapalı məkanlarda idmanla məşğul olmalıdırlar. Mənzildən kənarda işləməyə məcbur olan şəxslər xüsusi maskalardan istifadə etməlidirlər.

A.Şahsevəni şəhər meriyasını hava çirkliliyin azaldılması istiqamətində dərhal addım atmasını istəyib.

Tehranda hava çirkliliyinin sabaha qədər davam edəcəyi proqnoz olunur.

Trend-in ən mühüm və maraqlı xəbərlərini "Telegram"da izləyin


Etiketlər:  Səhiyyə Nazirliyi xəbərdarlıq etdi Hava təhlükəlidir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ