20 Yanvar şəhidlərinin xatirəsinə həsr olunur - ifa edir Ramil Qasımov - VİDEO

Tarix: 20 Yanvar 2025 15:48

Azərbaycanın tanınmış vokalçısı, Əməkdar artist Ramil Qasımov 20 Yanvar şəhidlərin xatirəsinə həsr olunmuş iki videoçarx təqdim edib.

Xatırladaq ki, bu gün 20 Yanvar faciəsinin 35-ci ildönümüdür. Azərbaycan xalqı bu faciə qurbanlarının əziz xatirəsini ehtiramla yad edir. 19-20 yanvar 1990-cı il tarixində fövqəladə vəziyyət elan edilmədən Sovet ordusu Azərbaycana qarşı hərbi əməliyyatlara başladı. Baş vermiş faciə nəticəsində 147 nəfər həlak olub, 744 nəfər ağır yaralanıb, 841 nəfər qanunsuz həbs edilib. Sovet ordusunun hərəkətləri nəticəsində 200 mənzil, ev, şəxsi və dövlət əmlakı dağıdıldı. 20 Yanvar 1990-cı il Azərbaycanın müstəqilliyi və ərazi bütövlüyü uğrunda mübarizə tarixində qəhrəmanlıq səhifəsi oldu. Bu qanlı hadisələrdən illər keçməsinə baxmayaraq, Azərbaycan xalqı o dəhşətli gecəni heç vaxt unutmur, bu faciəni törədənlərə öz dərin nifrətini bildirir. Yanvarın 20-də baş verən faciəli hadisələrin qurbanlarının xatirəsinə bu gün Azərbaycanda Ümumxalq Hüzn Günü elan edilib.