Aktual mövzular: Dollar alış-satışı, Neftin qiyməti, COP29, Hava proqnozu

Gürcüstandan gələn avtomobildə spirtli içki və oyun konsolları aşkarlanıb (FOTO)

Tarix: 11 Dekabr 2019 22:00

Bakı. Trend:

Gürcüstandan gələn avtomobildə spirtli içki və oyun konsolları aşkarlanıb.

Dövlət Gömrük Komitəsindən Trend-ə verilən məlumata görə, Qərb Ərazi Baş Gömrük İdarəsinin "Qırmızı Körpü" gömrük postunda Gürcüstandan idarə etdiyi "Lincoln Mercury" markalı avtomobil ilə gələn Azərbaycan vətəndaşı saxlanılıb və risk profillərinin qiymətləndirilməsinə əsasən "Qırmızı kanal"a yönləndirilib.

O, şifahi sorğu-sual zamanı idarə etdiyi nəqliyyat vasitəsində gömrük nəzarətindən gizlədilən və bəyan edilməyən hər hansı predmetin olmadığını bildirib.

Nəqliyyat vasitəsinin yoxlanması zamanı baqaj hissəsində - döşəmə ilə benzin çəninin arasındakı boşluqda gömrük nəzarətindən gizlədilən hər biri 1 litrlik şüşə qablaşdırmada üzərində "Nemiroff Original" yazılan 16 ədəd spirtli içki və 3 qutu "Sony PS4" oyun konsolu aşkarlanıb.

Faktla bağlı araşdırma aparılır.

Trend-in ən mühüm və maraqlı xəbərlərini "Telegram"da izləyin