Aktual mövzular: Dollar alış-satışı, Neftin qiyməti, COP29, Hava proqnozu

''Mançester Yunayted''dən ''Qalatasaray'' ulduzuna 30 milyonluq TƏKLİF

Tarix: 19 Iyul 2025 17:26

"Mançester Yunayted" "Qalatasaray"ın 26 yaşlı braziliyalı yarımmüdafiəçisi Qabriel Sara üçün rəsmi təklifə hazırlaşır.

Sonxeber.net xəbər verir ki, Premyer Liqa təmsilçisi Saraya görə İstanbul klubuna 30 milyon avro ödəməyə hazırdır. Lakin "Qalatasaray" futbolçunun qiymətini ən azı 35 milyon avro olaraq müəyyən edib.

Qabriel Sara da İngiltərəyə qayıtmaq istəyindədir. Qeyd edək ki, o, "Qalatasaray"a 2024-cü ilin yayında "Norviç"dən transfer olunub. Ötən mövsüm yarımmüdafiəçi bütün turnirlərdə 45 oyunda iştirak edib, 2 qola və 10 məhsuldar ötürməyə imza atıb.

Futbolçunun İstanbul klubu ilə müqaviləsi 2029-cu ilin yayına qədər davam edir.

Whatsapp ilə göndər