Aktual mövzular: Dollar alış-satışı, Neftin qiyməti, COP29, Hava proqnozu

Humanitar təşkilatın 4 üzvü öldürülüb

Humanitar təşkilatın 4 üzvü öldürülüb

Tarix: 14 Dekabr 2019 07:24

Bakı. Trend:

Nigeriyanın şimal-şərqində iyul ayında girov götürülmüş "Aclığa qarşı hərəkat" qeyri-hökümət humanitar təşkilatının 4 üzvü öldürülüb.

Trend-in "RİA Novosti"yə istinadən verdiyi xəbərə görə, bu barədə təşkilatın saytında yerləşdirilən məlumatda deyilir.

Məlumatda deyilir: "Aclığa qarşı hərəkat" qəti şəkildə bu dörd qətli qınayır və təşkilatın girovların sərbəst buraxılması ilə bağlı çağırışlarının dinlənilməməsindən təəssüflənir".

Qeyd edək ki, cari ilin iyul ayında Nigeriyanın Borno ştatında naməlum şəxslər "Aclığa qarşı hərəkat" qeyri-hökümət humanitar təşkilatının avtomobil karvanına hücum edib. Silahlı hücum nəticəsində 1 nəfər həlak olub, 6 nəfər isə girov götürülüb. Girov götürənlər arasında humanitar təşkilatın 1 üzvü, iki sürücü və ölkənin Səhiyyə Nazirliyinin 3 əməkdaşı olub. Sentyabr ayında girovlardan birinin öldürüldüyü bildirilib.

Trend-in ən mühüm və maraqlı xəbərlərini "Telegram"da izləyin


Etiketlər:  Humanitar təşkilatın üzvü öldürülüb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ