Aktual mövzular: Dollar alış-satışı, Neftin qiyməti, COP29, Hava proqnozu

Ələkbər Yasamallı söhbətə çağırdığı Aqşin Fatehlə GÖRÜŞDÜ - Yaxşı kişi... - VİDEO

Tarix: 18 Dekabr 2019 12:54

Meyxanaçı Ələkbər Yasamallı söhbətə çağırdığı həmkarı Aqşin Fatehlə görüşüb.

Sonxeber.net xəbər verir ki, tərəflər yaranan söz-söhbəti öz aralarında sülhlə həll ediblər.

Görüş zamanı sosial şəbəkə hesabından canlı yayım edən tərəflərin görüşündə söhbətə Ələkbər Yasamallı başlayıb:

"Allah mərdiməzarlara lənət eləsin. Bizim Aqşinlə aramızda min dənə söz-söhbət olsa da, biz kişiyik. Bizim sənətdə söhbət məhkəməyə gedib çıxmır. Biz şou-biznes əhli kimi deyilik. Bizim öz aramızda həll olunan şeylərdir. Kimsə sözü elə toxundurur adama, o momentdə sənə elə gəlir ki, elədir. Bizim dostlarımız, qardaşlarımız, elə mömin qardaşlarımız var, el sözü keçən, yaxşı kişilər var ki, mənə də, Aqşinə də zəng edib dedilər ki, "Heç sizə yaraşdırmadıq".

Aqşin sözügedən videoya "Və nəhayət ki, dostlar bu görüşü təşkil etdilər. Bütün məsələyə aydınlıq gəldi və son qoyuldu. Sonunda bütün dostlarla birgə deməyə bir söz qaldı, Allah şeytana lənət eləsin!!! Həqiqət öz yerini tapdı" şərhini yazıb.

Whatsapp ilə göndər