Aktual mövzular: Dollar alış-satışı, Neftin qiyməti, COP29, Hava proqnozu

''Sosial layihələr'' müsabiqəsi çərçivəsində Azərbaycanda ilk dəfə yaşlıların festivalı keçiriləcək

''Sosial layihələr'' müsabiqəsi çərçivəsində Azərbaycanda ilk dəfə yaşlıların festivalı keçiriləcək

Tarix: 19 Dekabr 2019 12:50

Heydər Əliyev Fondunun "Regional İnkişaf" İctimai Birliyinin 2019-cu il üzrə elan etdiyi "Sosial layihələr" müsabiqəsi çərçivəsində 20-21 dekabr tarixlərində Azərbaycanda ilk dəfə "Üçüncü Bahar" yaşlıların festivalı keçiriləcək.

Sonxeber.net Trend-ə istinadən bildirir ki, festivalın ilk günü 20 dekabr tarixində Bakı, Sumqayıt, Gəncə, Mingəçevir şəhərlərində təşkil olunacaq. Festivalın yekun tədbiri 21 dekabr tarixində Bakı şəhərində yerləşən Nizami Kino Mərkəzində baş tutacaq.

"Üçüncü Bahar" İctimai Birliyi tərəfindən həyata keçirilən layihənin məqsədi yaşlıların əhatə dairəsinin genişləndirilməsi, onların fəal yaşamasının təbliğ olunması, yaşlı insanlar üçün özünüməşğulluq imkanlarının yaradılması, psixoloji və sağlamlıq durumlarının yaxşılaşdırılmasıdır. Layihə çərçivəsində "Üçüncü bahar" Festivalından sonra Şamaxı şəhərində yaşlıların asudə vaxtının səmərəli təşkili üçün "Yaşa Mərkəzi"nin istifadəyə verilməsi nəzərdə tutulmuşdur.

Festival zamanı səhnə çıxışları, ustad dərsləri, sərgi və yaşlıların uşaqlıq dövrlərində oynadığı oyunlar təşkil olunacaq.


Etiketlər:  Sosial layihələr müsabiqəsi çərçivəsində Azərbaycanda dəfə yaşlıların festivalı keçiriləcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ