Aktual mövzular: Dollar alış-satışı, Neftin qiyməti, COP29, Hava proqnozu

Beynəlxalq Muğam Mərkəzində gənc istedadların konserti keçirilib (FOTO)

Tarix: 23 Dekabr 2019 09:30

Bakı. Trend:

Beynəlxalq Muğam Mərkəzində “Azərbaycan vokalçıları” festivalı çərçivəsində növbəti konsert gənc vokalçıların ifalarına həsr olunub.

Beynəlxalq Muğam Mərkəzindən Trend-ə verilən məlumata görə, dekabrın 21-də keçirilən konsert proqramında Asəf Zeynallı adına Musiqi Kollecinin , Bülbül adına 11 illik orta-ixtisas musiqi məktəbinin, Sağlamlıq imkanları məhdud uşaqlar üçün 5№-li Respublika xüsusi internat məktəbinin tələbə və şagirdlərinin konserti təqdim olunub.

Proqramda Azərbaycan , Avropa və rus klassik vokal nümunələri səsləndirilib. M.Maqomayev, Ü.Hacıbəyli, F.Əmirov, P.Bulaxov, V.A. Motsart, T.Quliyev kimi görkəmli bəstəkarların mövzu baxımından bir-birindən fərqli əsərləri tamaşaçılar tərəfindən alqışlarla qarşılanıb .

Həmçinin müasir bəstəkarların vokal əsərlərindən ibarət konsert proqramı keçirilib. Konsertdə müxtəlif şairlərin sözlərinə bir-birindən maraqlı mahnı və romanslar səslənib. Konsert proqramı çoxsaylı auditoriya tərəfiindən gürultulu alqışlarla qarşılanıb.

İnformasiya dəstəyi- Trend.az, Day.az, Milli.az

Trend-in ən mühüm və maraqlı xəbərlərini "Telegram"da izləyin