Naxçıvanda “Azərbaycan Vokalçıları Festivalı” keçirildi (FOTO)

Tarix: 23 Dekabr 2019 11:40

Bakı. Trend:

“Azərbaycan Vokalçıları Festivalı” çərçivəsində Naxçıvan şəhərində Cəlil Məmmədquluzadə adına Naxçıvan Dövlət Musiqili Dram teatrında Naxçıvan Dövlət Filarmoniyasının Kamera Orkestrinin konserti keçirilib (baş dirijor – Xalq artisti Çingiz Axundov).

Trend-in məlumatına görə, konsertdə xalq artisti Samir Cəfərov, əməkdar artistlər Tural Nəcəfov, Gülyanaq Fərzəliyeva, Mübariz Əsgərov, Elçin Nağıyev və başqaları çıxış ediblər.

Tədbirin sonunda Festivalın ideya müəllifi və bədii rəhbəri, Azərbaycan Televiziyasının Mədəniyyət kanalının direktoru Ramil Qasımov Naxçıvan Televiziyasına müsahibə verərək qeyd edib ki, "Qədim torpağımız olan Naxçıvanda, bu festivalın gerçəkləşməsinə görə, ilk növbədə, qonaqpərvərliyinizə görə təşəkkür edirəm. Şadam ki, burada bizim klassik vokal məktəbinin ənənələri qorunub saxlanılır. Festivalın ideya müəllifi və bədii rəhbəri vurğulayıb ki, ümumrespublika miqyasında ilk dəfə keçirilən vokal festivalı ölkəmizin mədəni həyatına bir töhvə olacaq. Fürsətdən istifadə edib festivalın iştirakçılarına minnətdarlığımı bildirir, onlara uğurlar arzulayıram".

İnformasiya dəstəyi- Trend.az, Day.az, Milli.az

Trend-in ən mühüm və maraqlı xəbərlərini "Telegram"da izləyin